Duke i përmendur disa nga arritjet e zyrës së tij gjatë vitit të kaluar, Z. Lajçi iu është referuar veçanërisht Raportit Vjetor që është publikuar nga zyra e tij në Qershor, në të cilin është e përfshirë performanca e kompanive të ujit dhe mbeturinave të ngurta në vitin 2006.

Ky raport jep një paqyrë të treguesve të punës të kompanive të ujësjellësit kundrejt disa indikatorëve kyç të performancës. Këta indikatorët përfshijnë:

• Kualitetin e ujit të pijshëm
• Sa orë në ditë, mesatarisht, konsumatorët marrin shërbime të furnizimit me ujë.
• Sa ujë është humbur përmes rrjedhjeve dhe prishjeve në rrjet
• Sa kushton që të prodhohet një sasi e matur e ujit
• Sa ankesa janë paraqitur nga konsumatorët
• Shkallën e inkasimit të borxheve që kanë realizuara kompanitë
  .

Publikimi i këtyre të dhënave nënkupton atë se konsumatorët mund të shohin se sa mirë apo keq furnizuesi i tyre ka operuar gjatë vitit dhe si krahasohet ofruesi i tyre i shërbimeve me kompanitë e ngjajshme. Në vitet e ardhshme, ata do të jenë të njoftuar me atë nëse furnizuesi i tyre është përmirësuar apo jo.

“Raporti i këtij viti ka treguar përmirësime modeste të shërbimeve, në përgjithësi. Por na duhet kohë për të krijuar një sektor të qëndrueshëm të shërbimeve të ujësjellësit“, tha Z. Lajçi.

Rregullatori, gjithashtu ka pasur përparime të dukshme në zhvillimin e procesit të vendosjes së tarifave për shërbimet e ujësjellësit. Qasja e propozuar nga Rregullatori kërkon nga kompanitë të përgatisin planet e biznesit duke u fokusuar në investimet kapitale, mirëmbajtjen kapitale, përmirësimin e sistemit dhe uljen në kostot e tyre operative përmes efiçiencës së ngritur. Javën e kaluar është mbajtur një workshop ku kanë marrë pjesë të gjitha kompanitë e ujit për të diskutuar propozimet e ZRRUM-it.

Disa të dhëna për ZRRUM-in:

1. ZRRUM-i është rregullator i pavarur ekonomik që është përgjegjës për mbikëqyrjen e aktiviteteve të ofruesve të shërbimit të ujit dhe mbeturinave. Është themeluar sipas Rregullores së UNMIK-ut Nr. 2004/49. Qëllimi i tij primar është të mbrojë interesat e konsumatorëve dhe të sigurojë që ofruesitë e shërbimeve nuk i keqpërdorin pozitat e tyre të monopolit dhe që ofrojnë standard të arsyehsëm të shërbimeve me çmime të volitshme.

2. Përgjegjësitë kryesore të ZRRUM-it janë:

• Lëshimi i licencave operative ofruesve të shërbimeve të ujit dhe mbeturinave.
• Përcaktimi i tarifave për shërbimet e ujit dhe ujërave të zeza që të mundësojnë kompanitë të financojnë aktivitetet e tyre dhe të përmirësojnë shërbimet e tyre por të jenë të drejtë ndaj konsumatorëve.
• Monitorimi dhe raportimi i performancës së ofruesve të shërbimeve
• Themelimi dhe përkrahja e Komisioneve regjionale Këshilluese të Konsumatorëve
• Sigurimi që shërbimet plotësojnë standardet e pranueshme.