ZYRA RREGULLATORE PËR UJË DHE MBETURINA LANSON WEB-FAQEN E RE

Konsumatorët, kompanitë dhe të gjitha palët tjera tash mund të informohen për gjithçka që kanë nevojë të dinë lidhur me rregullimin e sektorit të ujit dhe mbeturinave në Kosovë në ueb-faqen e Zyrës Rregullatore për Ujë dhe Mbeturina (ZRRUM) që është lansuar sot.

Afrim Lajçi, Drejtori i ZRRUM-it tha:

“Është me rëndësi për ne që të kemi komunikim efektiv me të gjitha palët e interesit. Ueb-faqja jonë e re do të na ndihmojë të tregojmë se çka bëjmë dhe si punojmë për të siguruar që kompanitë e ujit dhe mbeturinave janë duke përmirësuar performancën e tyre.

“Rregullimi është i nevojshëm aty ku shërbimet ofrohen nga kompanitë që kanë monopol dhe konsumatorët nuk kanë mundësi të zgjedhin. Roli ynë është të mbrojmë interesat e konsumatorëve dhe ti ndihmojmë kompanitë të përmirësojnë standardet e tyre” 

Ueb-faqja e re: www.wwro-ks.org përmban hollësi për legjislacionin dhe rregullat në sektorin e ujit dhe mbeturinave, jep informacione lidhur me atë se si ZRRUM-i bën krahasimin e performancës në industri, tregon se si tarifat përcaktohen nga rregullatori dhe ofron informacione të hollësishme për konsumatorët mbi atë se si ata mund të parashtrojnë ankesat nëse janë të pakënaqur me punën e ofruesve të tyre të shërbimeve.

Z. Lajçi shtoi:

“Ne kemi themeluar Komisione regjionale Këshilluese të Konsumatorëve (KKK), detyra e të cilëve është shqyrtimi i ankesave lidhur me shërbimet e ujit dhe mbeturinave. Kompanive gjithmonë duhet t’iu jipet rasti ti zgjidhin vet ankesat dhe problemet e konsumatorëve por nëse konsumatori është ende i pakënaqur pasi të kenë përfunduar procedurat e ankesave të kompanisë, ata duhet të kontaktojnë KKK regjionale. Detajet e kontaktimit të KKK janë të paraqitura në ueb-faqe ose ata mund të kontaktohen përmes zyrës tonë”.

DISA TË DHËNA PËR ZRRUM-in

1. ZRRUM-i është rregullator ekonomik i pavarur që është përgjegjës për mbikëqyrjen e aktiviteteve të ofruesve të shërbimit të ujit dhe mbeturinave. Kjo zyre është themeluar nën Rregulloren e UNMIK-ut Nr. 2004/49.

   Qëllimi primar i ZRRUM-it është të mbrojë interesat e konsumatorëve. Kjo zyrë siguron që ofruesit e shërbimeve të mos i keqpërdorin pozitat e tyre të monopolit dhe që të ofrojnë shërbime të një standardi të arsyeshëm dhe me çmim të volitshëm.

2. Përgjegjësitë  kryesore të ZRRUM-it janë:

• Lëshimi i licencave operative ofruesve publik të shërbimeve të ujit dhe mbeturinave.
• Përcaktimi i tarifave për shërbimet e ujit dhe ujërave të zeza dhe mbeturinave të cilat iu mundësojnë kompanive që të financojnë aktivitetet e tyre dhe të përmirësojnë shërbimet por të jenë të përballueshme dhe të drejta për konsumatorët.
• Monitorimi dhe raportimi i performancës së ofruesve të shërbimeve.
• Themelimi dhe përkrahja e Komisioneve regjionale Këshilluese të Konsumatorëve.
• Sigurimi që shërbimet plotësojnë standardet e pranueshme.