Vizioni Ynë

ZRRUM është faktor kyç në zhvillimin e industrisë së ujit përmes ekzekutimit efektiv dhe transparent të rregullativës ekonomike në interes të të gjithë konsumatorëve në Kosovë.

Misioni Ynë

Rregullimi i shërbimeve të ujësjellësit dhe mbeturinave në mënyrë transparente dhe të drejtë për të siguruar që ofruesit e shërbimeve të ujit dhe mbeturinave ofrojnë shërbime kualitative, efiçente dhe të qëndrueshme, me çmim të volitshëm, duke pasur parasysh mjedisin dhe shëndetin publik.

Synimet Strategjike

(a) Zhvillimi dhe implementimi i kornizës rregullatore e cila siguron ofrimin e shërbimeve cilësore me kosto të arësyeshme për konsumatorët e shërbimeve të ujit dhe mbeturinave;

(b) Mbrojtja e interesave afatshkurta dhe afatgjata të konsumatorëve duke siguruar se ofruesit e shërbimeve ujit dhe mbeturinave nuk keqpërdorin pozitat e tyre të monopolit dhe rrjedhimisht ofrojnë shërbimet efiçente në pajtim me standardet e përcaktuara të shërbimit;

(c) Përcaktimi i tarifave të shërbimit duke u bazuar në parimin e mbulimit të kostove të Ofruesve të Shërbimit duke pasur parasysh me këtë rast përballueshmërinë e tyre për konsumatorët.

(d) Stimulimi i konkurrencës në shërbimet e ujit dhe mbeturinave përmes krahasimit të performancës së Ofruesve të Shërbimeve;

(e) Ngritja e transparencës dhe përgjegjësisë në sektorët e shërbimeve të ujit dhe mbeturinave përmes monitorimit të performancës dhe raportimit publik për performancën e tyre